Ndërtesa 20-katëshe në Milano përfshihet nga flakët, pamjet e frikshme nga vendngjarja

00:13 | 30 Gusht 2021
Trina Galanxhi

“Torre del Moro”, një ndërtesë luksoze 20-katëshe në Milano është përfshirë nga flakë të mëdha për shkaqe ende të panjohura.

Mediat lokale shkruajnë se besohet që në ndërtesën shumëkatëshe jetojnë rreh 70 familje, ndërsa ende nuk është mësuar nëse ka të lënduar.

Më tej, mediat shkruajnë se zjarri është përhapur në të gjithë godinën brenda pak minutash.
Banorët e paidentifikuar thanë se panelet në fasadën e ndërtesës supozohej të ishin rezistente ndaj zjarrit.

Zjarrfikësit ndodhen në vendngjarje dhe po thyejnë dyert për të hyrë në apartamente e për të shpëtuar njerëzit që mund të jenë ende brenda godinës.

“Tani për tani nuk kemi raporte për viktima ose të plagosur”, tha kryebashkiaku i Milanos Beppe Sala./tch/

https://twitter.com/Pino00895828/status/1432038678419869696

Shpërndaje në rrjete sociale

Lajmet më të lexuara

Të ngjashme

Foto lajm